Chernogorııadan alaıaqtyq jasady degen kúdikpen túrik azamaty ekstradıtsııalandy
ASTANA. KAZINFORM – QR Bas prokýratýrasy men Іshki ister mınıstrligi Interpol ulttyq ortalyq bıýrosynyń qyzmetkerleri Qazaqstannyń Chernogorııadaǵy Elshiliginiń kómegimen asa iri kólemde alaıaqtyq jasady degen kúdikpen túrik azamatyn elge ekstradıtsııalady.
Tergeý málimetterine sáıkes, kúdikti qurylys kompanııasynyń basshysy bola otyryp, 2022-2024 jyldar aralyǵynda jalǵan kelisimsharttar jasasqan jáne úlestes uıymdar arqyly Almaty qalasyndaǵy turǵyn úı keshenderiniń qurylysyna arnalǵan 6 mıllıard teńgeden astam qarajatty jymqyrǵan.
- Qylmys jasalǵannan keıin kúdikti jasyrynyp, oǵan halyqaralyq izdeý jarııalanǵan.
2025 jylǵy naýryz aıynda ol Chernogorııa aýmaǵynda ustalyp, Bas prokýratýranyń suraýy boıynsha Qazaqstanǵa ekstradıtsııalandy, - delingen baqylaýshy organnyń aqparatynda.
Qazirgi ýaqytta kúdikti tergeý ızolıatoryna qamaýǵa alyndy.
Atalǵan qylmys úshin múlkin tárkileı otyryp, 10 jylǵa deıin bas bostandyǵynan aıyrý jazasy kózdelgen.
Aıta keteıik, Qytaıda Mıanmadan ekstradıtsııalanǵan 11 myńnan asa telefon alaıaǵy tergeýge alyndy.
