Chernogorııadaǵy atystan qaza tapqandar sany 12-ge jetti

ASTANA. KAZINFORM - Olardyń arasynda eki bala bar. Bul týraly Chernogorııa Іshki ister mınıstri Danılo Sharanovıch málimdedi, dep habarlaıdy DW.

Qaza tapqan balalardyń jasy — 10 jáne 13-te. Podgorıtsa klınıkalyq ortalyǵynyń dırektory Aleksandr Radovıchtiń aıtýynsha, emhanaǵa jetkizilgen úsh jaraly adamnyń jaǵdaıy turaqty. 

Tavernadaǵy kıkiljińnen keıin 45 jastaǵy er adam úıine myltyq alý úshin oralyp, qaıta oq jaýdyrǵan. Sodan keıin ol ózine qol jumsamas buryn taverna qojaıynynyń balalary men áıelin atyp tastaǵan. 

Chernogorııa bıligi úsh kúndik qaraly kún jarııalady. Premer-mınıstr Mıloıko Spaıch Ulttyq qaýipsizdik keńesiniń otyrysynda qarýǵa tolyq tyıym salý máselesi dereý kóteriletinin aıtty.

Eske sala keteıik, buǵan deıin Chernogorııada bardaǵy atystan keıin úsh kúndik qaraly kún jarııalanǵanyn jazǵan edik.