Chernogorııada sýǵa batqan áıelderdi qutqarǵan qazaqstandyq qaza tapty
ASTANA. QazAqparat - Chernogorııada sýǵa batqan áıelderdi qutqarǵysy kelgen 41 jastaǵy Qazaqstan azamaty Tańat Smaǵulov kóz jumdy, dep habarlaıdy QazAqparat.
QR Syrtqy ister mınıstrliginiń «QazAqparat» tilshisine bergen jaýabyna sáıkes, qaıǵyly oqıǵa 16 tamyz kúni Ýltsın qalasynda bolǵan.
«Ol Chernogorııaǵa dostarymen demalý úshin barǵan. Sol keshte teńizde úlken tolqyndar boldy. Bizdiń otandasymyz sýǵa aǵyp ketken eki áıeldi kórip, kómekke umtylǵan. Eki áıel de jaǵaǵa shyqty, biraq qazaqstandyqtyń ózi sýdan shyǵa almady», - dep habarlady Syrtqy ister mınıstrliginiń baspasóz qyzmeti.
Qaıǵyly oqıǵa ornyna Qazaqstan konsýly bardy jáne marqumnyń jaqyndarymen baılanys ornatyldy.
«Búgin barlyq qajetti qujattar rásimdeldi, marqumnyń máıiti erteń tańǵy ýaqytta Petropavl qalasyna jiberiledi», - dep málimdedi QR SІM.
