Chernogorııada prezıdent saılaýynyń ekinshi kezeńine ótken kandıdattar anyqtaldy

BELGRAD. ANADOLÝ – QazAqparat – Chernogorııanyń is basyndaǵy prezıdenti Mılo Djýkanovıch jáne «Eýropa qazir» qozǵalysynyń ókili ıAkov Mılatovıch prezıdent saılaýynyń ekinshi kezeńine ótti. Monıtorıng (CeMI) ortalyǵy jeksenbi kúni exit poll nátıjesin jarııalady, dep habarlaıdy QazAqparat Anadoly-ǵa silteme jasap.

«Aldyn ala nátıje retinde esepteýge múmkindik beretin bıýlletenderdiń 69% sanalǵannan keıin Mılo Djýkanovıch – 35,3%, ıAkov Mılatovıch 28,8% daýys jınady.

Osylaısha, ekinshi týrǵa oppozıtsııalyq partııanyń atalǵan osy eki kandıdaty ótedi», - dep málim etti CeMI ókili Ana Nenadıch.

Chernogorııanyń Serbııamen jáne Reseımen túzý qarym-qatynasyn jaqtaıtyn «Serbııa keleshegi úshin koalıtsııasynan» kandıdat Andrııa Mandıch 19% daýys aldy.

Prezıdent saılaýynyń ekinshi kezeńi 2 sáýirde ótedi.