Chernogorııada EO-Batys Balqan sammıti ótip jatyr
ASTANA. KAZINFORM – Sammıteke qatysýshy eýropalyq kóshbasshylar arasynda Eýropalyq komıssııanyń tóraǵasy Ýrsýla fon der Lıaıen, Eýropalyq keńestiń tóraǵasy Antonıý Koshta, Eýropalyq parlamenttiń tóraǵasy Roberta Metsola, Frantsııa prezıdenti Emmaıýel Makron, Italııa premer-mınıstri Djordja Melonı jáne Germanııa kantsleri Frıdrıh Merts bar, dep habarlaıdy Kazinform agenttiginiń EO-daǵy menshikti tilshisi.
Іs-sharany Chernogorııa prezıdenti ıAkov Mılatovıch ótkizip, Eýropalyq keńestiń prezıdenti Antonıý Koshta tóraǵalyq etti. Budan basqa, sammıtke aımaqtaǵy alty eldiń kóshbasshylary da qatysyp otyr.
Basty nazar EO men Batys Balqandaǵy ortaq órkendeý men turaqtylyq máselelerine aýdaryldy. Kóshbasshylar aımaqtyń eýroıntegratsııasyn jedeldetý, Ósim josparyn iske asyrý, EO-nyń biryńǵaı naryǵyna birtindep ıntegratsııalaný jáne geosaıası qıyndyqtar jaǵdaıynda qaýipsizdikti nyǵaıtý máselelerin talqylap jatyr.
Sammıt qarsańynda Antonıý Koshta basymdyqtardy jeke talqylaý úshin Batys Balqandaǵy alty elidiń barlyǵyna bardy. Bul EO-nyń keńeıýge baǵyttalǵan saıası serpininiń artyp kele jatqanyn kórsetedi.
Chernogorııa úshin bul sammıt – óz aýmaǵynda ótkizilip jatqan osyndaı kólemdegi alǵashqy is-shara. Ol eldiń táýelsizdiginiń 20 jyldyǵymen tuspa-tus kelip otyr. Sammıtten keıin Antonıý Koshta, ıAkov Mılatovıch jáne Ýrsýla fon der Lıaıenniń birlesken baspasóz konferentsııasy josparlanǵan.
Osyǵan deıin Qazaqstan Eýropalyq asa mańyzdy materıaldar sammıtine qatysqanyn jazdyq.
