Chernogorııa jáne Palestına prezıdentteri Toqaevty saılaýdaǵy jeńisimen quttyqtady
Chernogorııa Prezıdenti Mılo Djýkanovıch Qasym-Jomart Toqaevty saılaýdaǵy jeńisimen quttyqtap, eki el arasyndaǵy jemisti yntymaqtastyqqa senim bildirdi.
«Chernogorııa Qazaqstanmen barlyq sala boıynsha ekijaqty yntymaqtastyqty nyǵaıta berýge nıetti. Joǵary deńgeıdegi saıası dıalog eki memlekettiń qatynastaryna tyń serpin beretinine senimdimin. Jýyq arada Sizben kezdesemiz degen úmittemin», - delingen jedelhatta.
Palestına memleketiniń Prezıdenti Mahmud Abbas óziniń quttyqtaý hatynda Qasym-Jomart Toqaevty prezıdent saılaýyndaǵy jeńisimen quttyqtap, oǵan Qazaqstandy damytý jáne órkendetý jolynda aldyna qoıǵan maqsatyna qol jetkizý úshin tabys tiledi.
«Sizdiń basshylyǵyńyzben Palestına men Qazaqstannyń arasyndaǵy tyǵyz qatynastar halyqtarymyzdyń múddesi turǵysynan nyǵaıa túsetinine senimdimin», - dep jazdy Mahmud Abbas.
Máskeý jáne búkil Rýs Patrıarhy Qazaqstan Prezıdentin aıqyn jeńisimen quttyqtap, Qazaqstandaǵy memlekettik organdar men orys pravoslav shirkeýiniń eparhııasynyń arasyndaǵy jemisti ózara is-qımyldar odan ári damı túsetinine senim bildirdi.
«Rýhanı-aǵartýshylyq, áleýmettik jáne bilim salasyndaǵy yntymaqtastyq elde beıbitshilik pen baqýatty ómir qalyptastyrýǵa septigin tıgizetinine senimdimin», - dep atap ótken jedelhat avtory.
BUU Damý baǵdarlamasynyń ákimshisi Ahım Shtaıner halyqaralyq uıymnyń jumysy Qazaqstanmen jemisti yntymaqtastyqqa baǵyttalǵanyn atap ótken.
«Qazaqstan Sizdiń basshylyǵyńyzben plıýralızm men adam quqyǵynyń ámbebap qundylyqtaryn qorǵaı beredi dep senemin. Sizben jáne Sizdiń Úkimetińizben tyǵyz yntymaqtastyqqa beıildigimizdiń ózgermeıtinine senim bildiremin», - dep jazylǵan jedelhatta.
Sondaı-aq, Qasym-Jomart Toqaevtyń atyna óz quttyqtaýlaryn TRASEKA úkimetaralyq komıssııasynyń turaqty hatshylyǵynyń Bas hatshysy Mırcha Chıopraga, Búkilálemdik zııatkerlik menshik uıymynyń Bas dırektory Frensıs Garrı joldady.
