Chernogorııa prezıdenti Qazaqstanǵa Air Astana reısimen ushyp keldi
ASTANA. KAZINFORM — Chernogorııa prezıdenti ıAkov Mılatovıch Qazaqstandaǵy resmı saparyna Air Astana ulttyq áýe tasymaldaýshy reısimen keldi.
— Men búgin Air Astana reısimen ushyp keldim. Bul arqyly bizdiń eki elge de Air Astana Qazaqstannyń ulttyq áýe kompanııasy ekenin jáne Chernogorııany Astana men Almaty qalalarymen tikeleı baılanystyratynyn aıtqym keldi. Sońǵy jyldary Qazaqstan azamattarynyń Chernogorııaǵa kelýge qyzyǵýshylyǵy artqanyn baıqap otyrmyz, — dedi ıAkov Mılatovıch Qazaqstan Prezıdentimen keńeıtilgen formattaǵy kezdesýde.
Sondaı-aq ıA. Mılatovıch Qazaqstan — Chernogorııa vızasyz rejımdi saqtap otyrǵan sanaýly elderdiń biri ekenin atap ótti.
— Qazaqstanǵa degen berik ustanymymyzdy kórsetý úshin aıta keteıin: Qazaqstan — biz vızasyz rejımdi áli de saqtap otyrǵan óte az elderdiń biri. Bul rejım Eýropalyq odaqtyń vızalyq júıesimen tolyq úılestirilmegen. Biz qazir Eýropa Odaǵyna múshe bolý úderisiniń sońǵy kezeńindemiz. 2028 jyly Odaqtyń tolyq múshesi bolamyz dep úmittenemiz. Bul Chernogorııa men Qazaqstan arasyndaǵy seriktestikti nyǵaıtatyn taǵy bir alań bolmaq, — dedi Chernogorııa prezıdenti.
Aıta keteıik, 18-20 maýsym kúnderi Memleket basshysy Qasym-Jomart Toqaevtyń shaqyrýymen Chernogorııa Prezıdenti ıAkov Mılatovıch Qazaqstanǵa resmı saparlaıtynyn jazǵan edik.
Táýelsizdik saraıynda Memleket basshysy Qasym-Jomart Toqaev Chernogorııa Prezıdenti ıAkov Mılatovıchti qarsy aldy.
Taraptar joǵary deńgeıde kelissózder júrgizip, saıası dıalogty nyǵaıtý, sondaı-aq saýda-ekonomıkalyq, ınvestıtsııalyq jáne mádenı-gýmanıtarlyq yntymaqtastyq perspektıvasyn talqylaıdy.
Eske salsaq, buǵan deıin Chernogorııa Qazaqstan azamattary úshin ýaqytsha vızasyz rejım engizdi.
