Chernogorııa Prezıdenti Qazaqstan Respýblıkasynyń Ulttyq mýzeıinde boldy
ASTANA. KAZINFORM - Qazaqstanǵa resmı sapary aıasynda Chernogorııa Prezıdenti ıAkov Mılatovıch jubaıy Mılena Mılatovıchpen birge Qazaqstan Respýblıkasynyń Ulttyq mýzeıin aralady, dep habarlaıdy QR mádenıet jáne aqparat mınıstrliginiń baspasóz qyzmeti.
Ekskýrsııa barysynda Qazaqstan Respýblıkasy Premer-Mınıstriniń orynbasary – Mádenıet jáne aqparat mınıstri Aıda Balaeva qonaqtarǵa mýzeıdi tanystyrdy.
Mártebeli meımandarǵa Ulttyq mýzeı ekspozıtsııalary kórsetildi. Olardyń qatarynda túrki halyqtarynyń materıaldyq jáne rýhanı murasyn tanytatyn Uly dala tas músinderi zaly, biregeı arheologııalyq jádigerler saqtalǵan Altyn zaly jáne Esik qorǵanynan tabylǵan álemge áıgili «Altyn adam» ekspozıtsııasy bar.
Sondaı-aq qonaqtarǵa ejelgi kóshpelilerdiń dúnıetanymy men jerleý dástúrlerinen syr shertetin kórnekti jerleý keshenderiniń rekonstrýktsııalary tanystyryldy. Solardyń biri – saltanatty ábzeldermen bezendirilgen jylqylarymen erekshelenetin Berel qorǵany.
Ekskýrsııa sońynda ıAkov Mılatovıch mýzeıdiń Qurmetti qonaqtar kitabyna estelik jazba qaldyrdy.
Aıta keteıik, Memleket basshysy Qasym-Jomart Toqaev keshe, Táýelsizdik saraıynda Chernogorııa Prezıdentin qarsy aldy.
Sondaı-aq Qasym-Jomart Toqaev pen ıAkov Mılatovıch birlesken málimdeme jasady.
