Chernogorııa Qazaqstannyń tsıfrlandyrý salasyndaǵy ozyq tájirıbesin úırenýge nıetti
ASTANA. KAZINFORM – Chernogorııa Qazaqstannyń tsıfrlyq transformatsııa salasyndaǵy tájirıbesin zerdeleýge qyzyǵýshylyq tanytyp otyr. Bul týraly Chernogorııa prezıdenti ıAkov Mılatovıch Memleket basshysy Qasym-Jomart Toqaevpen keńeıtilgen quramdaǵy kelissózde málimdedi.
Keńeıtilgen kelissózder nátıjesinde qos tarap birqatar qujatqa qol qoıýdy josparlap otyr. Olardyń qatarynda týrızm salasyndaǵy yntymaqtastyq týraly kelisim, sondaı-aq eki qoǵamdyq teleradıo habar taratýshy uıym arasyndaǵy kelisim bar.
Sonymen birge, Chernogorııa prezıdenti eki eldiń úkimetteri aldaǵy ýaqytta jasalatyn birneshe ekijaqty kelisimder jóninde ýaǵdalasqanyn habarlady. Olardyń ishinde ádilet salasyndaǵy yntymaqtastyq týraly kelisim, ekonomıkalyq yntymaqtastyq týraly kelisim, sondaı-aq tsıfrlyq transformatsııaǵa jaýapty mınıstrlikter arasyndaǵy ózara is-qımyl jónindegi kelisim bar.
– Bul salada Qazaqstan óńirdegi kóshbasshy elderdiń biri sanalady. Biz Qazaqstannyń tsıfrlandyrý baǵytyndaǵy mol tájirıbesi men ozyq sheshimderinen úırene alatynymyzǵa senimdimin, – dedi ıAkov Mılatovıch.
Sonymen birge, ıA.Mılatovıch óziniń resmı sapary eki dostas memleket arasyndaǵy yntymaqtastyqtyń jańa kezeńin ashatynyn atap ótti.
Aıta keteıik, 18-20 maýsym kúnderi Memleket basshysy Qasym-Jomart Toqaevtyń shaqyrýymen Chernogorııa Prezıdenti ıAkov Mılatovıch Qazaqstanǵa resmı saparlaıtynyn jazǵan edik.
Táýelsizdik saraıynda Memleket basshysy Qasym-Jomart Toqaev Chernogorııa Prezıdenti ıAkov Mılatovıchti qarsy aldy.
Taraptar joǵary deńgeıde kelissózder júrgizip, saıası dıalogty nyǵaıtý, sondaı-aq saýda-ekonomıkalyq, ınvestıtsııalyq jáne mádenı-gýmanıtarlyq yntymaqtastyq perspektıvasyn talqylaıdy.
Eske salsaq, buǵan deıin Chernogorııa Qazaqstan azamattary úshin ýaqytsha vızasyz rejım engizdi.
