Chernogorııa Eýropalyq odaqqa kirý jónindegi kelissózderdi bıyl aıaqtaýy múmkin
ASTANA. KAZINFORM — Chernogorııa Eýropalyq odaqqa (EO) qosylý jónindegi kelissózderdi 2026 jyldyń sońyna deıin aıaqtaýy múmkin. Bul eldiń 2028 jyly EO múshesi bolýyna jol ashýy yqtımal. Bul týraly Kazinform agenttigi Deutsche Welle-ge silteme jasap habarlady.
Bul týraly Eýropalyq komıssııanyń Eýroodaqtyń keńeıýine arnalǵan baıandamasynda aıtylǵan.
EO-nyń keńeıý máseleleri jónindegi komıssary Marta Kos Chernogorııa kelissózder protsesin aıaqtaýǵa óte jaqyn ekenin málimdedi.
Sonymen qatar Eýrokomıssııa elde reformalardy jalǵastyrý qajettigin atap ótti. Ásirese negizgi quqyqtar men qarjylyq qyzmetter salasyna basymdyq berý kerek.
Kelissózderdiń aıaqtalýy Chernogorııanyń Eýroodaqqa avtomatty túrde qosylatynyn bildirmeıdi. Tolyqqandy múshelik úshin belgilengen talaptardy oryndap, EO-ǵa múshe memleketterdiń maquldaýyn alý qajet.
Eýroodaqqa sońǵy bolyp 2013 jyly Horvatııa qosyldy.
Eske salaıyq, buǵan deıin Armenııa premer-mınıstri Nıkol Pashınıan eldiń Eýroodaqqa kirýge ótinishti qashan beretinin aıtqan edi. Onyń sózinshe, Erevan bul protsesti Brıýsselmen saıası dıalog arqyly jalǵastyrýdy kózdeıdi.
