Chernogorııa Dına Táńsárini Qazaqstanǵa ekstradıtsııalaýdan bas tartty
ASTANA. KAZINFORM – Chernogorııa Joǵarǵy soty quqyq qorǵaýshy Dına Táńsárini Qazaqstanǵa ekstradıtsııalaýdan túbegeıli bas tartty.
Sheshim kúshine endi. Bul jaıynda «Ne molchı» qorynyń negizin qalaýshy ári quqyq qorǵaýshy telegram-arnasynda jazdy.
- Rahmet, qymbatty Chernogorııa! 4 qyrkúıekte Chernogorııa Joǵarǵy soty Qazaqstan Bas prokýratýrasyna ekstradıtsııalaýdan bas tartý týraly sheshim qabyldady. Búgin, 2025 jyldyń 12 qyrkúıeginde Chernogorııa Joǵarǵy sotynyń appelıatsııalyq satysynda qaralǵannan keıin sheshim kúshine endi. Meni 2025 jyldyń 14 sáýirinde tutqynǵa aldy jáne 15 sáýirde tergeý sotynyń sheshimimen tutqyndaý meniń Qazaqstan pasportyma almastyryldy, - dedi ol.
Eske sala ketsek, 2023 jyly 27 jeltoqsanda Іshki ister mınıstrligi quqyq qorǵaýshy, «Ne molchı» qorynyń basshysy Dına Tańsárige izdeý jarııalady.
Almaty qalasynyń, Shyǵys Qazaqstan jáne Almaty oblystarynyń Polıtsııa departamentteri oǵan qatysty kórineý jalǵan aqparat taratý, jeke ómirge qol suǵylmaýshylyqty buzý faktileri boıynsha 6 qylmystyq is qozǵap, tergep jatyr.
Osy jyldyń sáýir aıynda Dına Tańsáriniń Chernogorııada ustalǵany jáne osy elden baspana suraǵany belgili boldy.