Chernogorııa astanasynyń sot ǵımaratynda jarylys boldy
ASTANA. QazAqparat - Chernogorııa astanasy Podgorıtsa qalasynyń sot ǵımaratynda jarylys boldy, zardap shekkender bar. Bul týraly QazAqparat reseılik TASS aqparat agenttigine silteme jasap habarlaıdy.
Belgisiz bireýdiń Bas sot ǵımaratynyń kireberisinde jarylǵysh zatty iske qosqany aıtyldy. Ol kezde ǵımaratta adamdar kóp boldy.
Jarylǵysh zat granata boldy degen boljam jasalyp otyr.
Polıtsııanyń málimetinshe, jarylys saǵat 11.45-te bolǵan. Onyń saldarynan bir adam qaza taýyp, bes adam jaraqat aldy. Boljam boıynsha, qylmysker jarylystan qaza tapqan.
Oqıǵa ornynda jedel járdem jáne men polıtsııa qyzmetkerleri jumys istep jatyr.
