«Chernobyl» úzdik shaǵyn serıal atanyp, «Emmı» syılyǵyn jeńip aldy
LOS-ANJELES. QazAqparat – Ótken jeksenbide Los Anjelestegi Microsoft teatrynda 71-shi «Emmı» syılyǵyn tabystaý rásimi ótti. «Úzdik shaǵyn serıal» atalymynda «Chernobyl» týyndysy jeńiske jetti, dep habarlaıdy QazAqparat Hollywood Reporter silteme jasap.
Sonymen birge, Kreıg Meızın jazǵan «Chernobyl» serıalynyń stsenarııi «Úzdik stsenarıı» marapatyna ıe boldy.
K. Meızın buǵan deıin úzdik rejıssýra úshin júlde alǵan Iohan Renkti quttyqtaýǵa asyqty. K.Meızın júldesin Chernobyl atom-elektr stansasynda apatqa ushyraǵan jandarǵa arnady. Sondaı-aq, ol Djared Harrıs basqarǵan keremet akterlik quramǵa jáne bul oqıǵany álemge pash etken komandaǵa alǵysyn aıtty.
Aıta keteıik, «Chernobyl» telehıkaıasynyń stsenarııi «Dannemor túrmesinen qashý» (6 jáne 7-serııalar), Fossı/Verdon, «Aǵylshynsha janjal» jáne «Olar bizdi kórgende» (4-bólim) syndy qarsylastaryn artqa tastaǵan.
