Chernobyl AES-niń aımaǵyndaǵy orman órti sóndirildi
KIEV. ÝKRINFORM-QazAqparat – Ýkraınanyń Jıtomırinde tutanǵan órt oshaqtarynyń kópshiligi osy kezde sóndirildi. Erekshe aýmaqqa jatatyn ormandaǵy órt te sóndirildi. Bul týraly Prezıdent Vladımır Zelenskıı málim etti, dep habarlaıdy QazAqparat Ýkrınformǵa silteme jasap.
«Búgingi tańda Jıtomır aımaǵynda órttiń kóp bóligi sóndirildi, al erekshe aımaqqa jatatyn ormandaǵy órt tolyqtaı sóndirildi», - dedi Zelenskıı.
Ýkrınform habarlaǵandaı, 4 sáýirde erekshe aýmaqqa jatatyn jerlerden órt shyqqan. Memlekettik oqshaýlaý aımaǵyn basqarý jónindegi memlekettik agenttiktiń málimetteri boıynsha Chernobyl aýmaǵynda órtten 20 myń gektar jer zaqymdandy, onyń 30% - yn orman quraıdy.
Buǵan deıin Ýkraınanyń soltústigindegi orman órtteri Chernobyl atom elektr stantsııasyna jaqyndaǵany týraly habarlanǵan bolatyn.
