Chernobyl apatynyń zardaptaryn joıýǵa qatysqan aqmolalyqtar marapattaldy
KÓKShETAÝ. KAZINFORM — Chernobyl AES apatynyń 38 jyldyǵyna oraı onyń zardaptaryn joıýǵa qatysqan bir top aqmolalyq marapattaldy.
Kókshetaýda Chernobyl AES apatyn joıýǵa qatysqandardyń qurmetine qoıylǵan eskertkishtiń mańynda ótken sharaǵa qala ákiminiń orynbasary Danııarbek Nurseıitov, Chernobyl AES-inde oryn alǵan apattyń zardaptaryn joıýǵa qatysqan ardagerler, qoǵamdyq birlestikterdiń ókilderi qatysty.
Aqmola oblystyq Chernobyl ardagerleri keńesiniń tóraǵasy Marat Jeterovtiń aıtýynsha, apattyń zardaptaryn joıýǵa qatysqan adamdar áli kúnge deıin onyń zardabyn tartyp keledi
«Chernobyl apatynyń zardaptaryn joıýǵa 500-ge jýyq aqmolalyq qatysty, onyń kóbi múgedek. Jyl ótken saıyn olardyń qatary kemip, densaýlyqtary nasharlap keledi. ıAdrolyq jarylystyń saldary bizge ǵana emes, balalarymyzǵa, nemerelerimizge tıip jatyr», — dep atap ótti Marat Jeterov.
Aıta keteıik, Chernobyl apatynyń zardaptaryn joıýǵa 240 myń adam qatysty. Al, keıingi jyldary bul kórsetkish 800 myń adamǵa jetken. Olardyń arasynda aqmolalyqtar da bar. Aqmola oblysy boıynsha barlyǵy 500 jýyq adam bolsa, Kókshetaý qalasynda 116 adamdy quraıdy.
Eske salaıyq, Jeńis kúni qarsańynda aqmolalyq ardagerlerge 3 mln teńgeden beriledi.
