Chernobyl apatyn joıýǵa qatysqan qazaqstandyqtardyń járdemaqysy qashan ósedi
ASTANA. KAZINFORM – Eńbek jáne halyqty áleýmettik qorǵaý mınıstri Asqarbek Ertaev Úkimet otyrysynan keıin ótken baspasóz máslıhatynda Chernobyl apatyn joıýǵa qatysqan qazaqstandyqtardyń járdemaqysyn ósirý máselesine pikir bildirdi.
Jýrnalıst atalǵan járdemaqynyń mólsheri sońǵy birneshe jylda ózgerissiz qalap kele jatqanyn aıtyp, bul másele qashan qaralatynyn surady.
- Olardyń áleýmetti tólemin ósirý máselesi qarastyrylmaıdy. Kún tártibinde bıyl ondaı másele qarastyrylyp jatqan joq. Kelesi jylda da joq. Sol sebepten ol qarastyrylmaıdy, - dedi Asqarbek Ertaev.
Eske salsaq, 1 qańtardan bastap Biryńǵaı jınaqtaýshy zeınetaqy qorynan tólenetin zeınetaqy tólemderi zeınetaqy tólemderin burynnan alyp júrgen zeınetkerler úshin 5 paıyzǵa ulǵaıǵan bolatyn.
Aıta ketý kerek, bıyl Ýkraına jerindegi Chernobyl atom elektr stantsııasynda bolǵan jarylystan beri 40 jyl ótti.
Ashyq derekterge súıensek, qazir Qazaqstanda osy apatty joıýǵa qatysqan 5 myńdaı adam bar.
