Cherchılldiń jasandy tisteri aýktsıonǵa qoıyldy
ASTANA. Shildeniń 9-y. QazAqparat - Burynǵy brıtan premeri Cherchılldiń jasandy tisteri aǵylshynnyń Norıdje qalasynda aýktsıonǵa qoıyldy, dep habarlady Ýtro.rý agenttigi.
Altynmen jalǵastyrylǵan jasandy tister aldyn ala 7 myń dollardan astam somaǵa baǵalanyp otyr.
Tis dárigeri Ýılfrıd Fısh jasaǵan protez premerdiń ózindik sóıleý mánerine áser etpegen bolatyn. Tarıhshylardyń aıtýynsha, sol eńbegi úshin Fısh rytsar mártebesine ıe bolǵan. Jasóspirim shaǵynda Cherchıll uly sheshen bolatynyn aıtqan edi. Onyń azdap saqaýlana sóıleýi bolashaq saıasatkerdiń orasan zor josparlaryna kedergi keltirgen joq.
Premerdiń taǵy bir biregeı jasandy tisi koroldik hırýrgter kolledjinde saqtaýly tur.
Budan buryn ol «Álemdi qutqarǵan tis» degen jazýmen londondyq galereıalardyń birine qoıylǵan bolatyn. Kóz kórgenderdiń aıtýynsha, Cherchıll jasandy tisterin joǵaltyp alýdan únemi qorqatyn. Sondyqtan da qosalqy tis jasatqan edi.
