Cherchılldiń úıi jalǵa berilmek
ASTANA. QazAqparat - Ýınston Cherchıll dúnıege kelgen jáne jerlengen Blenem qonysynda jalǵa berý úshin jyljymaıtyn múlik naryqqa shyǵaryldy, dep habarlady Euromag.ru.
Jyljymaıtyn múlik naryǵyna eń ádemi jáne romantıkalyq, biraqta tozyńqyraǵan turǵyn úı shyǵaryldy. Grade II tizimindegi tarıhı ǵımaratty jańǵyrtý úshin 4 mln. eýro qajet.
Bul qonys jyl saıyn 650 myń týrıst keletin kórnekti orynda turýǵa ázir erekshe qojaıyndy izdeıdi, dep habarlady Daily Mail.
Ǵımarat shart boıynsha 20 jylǵa aıyna 33 600 eýroǵa baǵalanyp, jalǵa berilmek. Djennı Cherchıll kezinde ol «Anglııadaǵy eń tamasha jerde tur», degen bolatyn. Ol Blenem saraıyna 1874 jyly keldi. Onyń uly Ýınston osynda birneshe aıdan keıin dúnıe esigin ashty.
XVIII ǵasyrdyń basynda salynǵan úsh qabatty ǵımaratta kóptegen biregeı erekshelikteri saqtalǵan. Ony tolyq jańǵyrtqannan keıin munda segiz jatyn bólmesi jáne jýyný bólmeleri, eki qonaqjaı, demalys bólmesi jáne kitaphana bolady. Bolashaq qojaıyn munda basseın jasap, oıyn-saýyq keshenin nemese tipti tennıs kortyn jabdyqtaýyna bolady.
