Cherchılldiń 677 myń dollarǵa baǵalanǵan kartınasy aýktsıonǵa qoıyldy
LONDON. QazAqparat - Ulybrıtanııanyń burynǵy premer-mınıstri Ýınston Cherchıll (1874-1965) salǵan jáne shamamen £500 myń (677 myń dollardan astam) baǵalanǵan «Marrakeshtegi kórinis» kartınasy aǵylshyn aýktsıonyna qoıyldy, dep habarlaıdy QazAqparat Daily Mail gazetine silteme jasap.
Avtor brıtandyq feldmarshal Bernard Montgomerıge (1887-1976) syıǵa tartqan (1935) kartına alǵash ret saýdaǵa shyǵaryldy.
Ýınston Cherchıll alǵash ret 1935 jyly Marokkoǵa baryp, Afrıka eliniń peızajdaryna tamsanǵan. Keıinirek ol jaqqa birneshe ret qaıta baryp, áskerı oqıǵalardy eske túsirip, sýret salǵan. Bir kezderi Sotheby ' s aýktsıonynda onyń «Marokkonyń Tınherır qalasynyń kórinisi» kartınasy 612,8 myń fýnt sterlıngke (1,24 mıllıon dollar) ótken.
Byltyr qarasha aıynda osy aýktsıonda £983 myńǵa ($1,29 mln) «Qumǵandar men bótelkeler» kartınasy satyldy.
Cherchıll qyryq jasynda sýret salýǵa qyzyǵýshylyq tanytyp, ómiriniń sońyna deıin 500-den astam kartına salyp úlgergen.
