Cherchıldiń sıgary tuqyly AQSh-taǵy aýktsıonda $12 myńǵa satyldy
ASTANA. QazAqparat - Ulybrıtanııa premer-mınıstri Ýınston Cherchılldiń (1874-1965) Parıj áýejaıyndaǵy jartylaı shegilgen sıgary AQSh-taǵy aýktsıonda 12 myńnan astam dollarǵa satyldy.
Associated Press (AP) aqparat agenttigi beısenbi kúni habarlaǵandaı, onlaın rejımindegi bássaýdany Bostondaǵy (Massachýsets shtaty) RR Auction úıi ótkizgen.
Onyń aqparatyna sáıkes, aýktsıonda Kýbada tapsyryspen jasalǵan La Corona markaly temeki satylǵan. Temeki tuqylynyń uzyndyǵy 10 sm.
Cherchıll bul temekini 1947 jyldyń 11 mamyrynda Parıjdiń Le-Býrje áýejaıynda tartqan. Lotynda Le-Býrjede qolynda La Korona ustap turǵan brıtandyq premer-mınıstrdiń sýreti japsyrylǵan, sýrette qoltańba bar.
Temeki tuqylyn brıtandyq ushqysh Ýılıam Alan Terner saqtap qalǵan. Onyń ekıpajy 1947 jyldyń mamyrynda Cherchılldi Parıjge jáne qaıta Ulybrıtanııaǵa jetkizgen. Palm-Bıchtik (Florıda shtaty) kollektsııa jınaýshy tartylyp bitpegen sıgardyń jańa ıesi boldy.
