Cherchıldiń sıgarasynyń tuqyly aýktsıonǵa shyǵaryldy
ASTANA. Qańtardyń 18-i. QazAqparat - Ser Ýınston Cherchıldiń Ekinshi dúnıejúzilik soǵys kezindegi jartylaı shegilgen sıgarasynyń tuqyly aýktsıonǵa shyǵaryldy.
Onyń bastapqy baǵasy - 300 fýnt sterlıng. Uzyndyǵy 4 dıýmǵa (10 sm) jetetin tuqyldy premer-mınıstr, 1941 jyly tamyzdyń 22-sinde mınıstrler kabınetiniń jınalysyna asyǵyp bara jatyp, qaldyrǵan. Dál osy kúni nemis ásker Lenıngradqa jetken bolatyn, dep habarlaıdy Utro.ru saıty.
Ýaıtholl kamerdıneri Nellı Gobl bólmeni jınastyryp júrgen kezinde jartylaı shegilgen sıgarany taýyp alǵan jáne ony gazetke orap, «Anglııada ómir súrgen eń uly adamdardyń birinen qalǵan kádesyı» degen jazýmen óziniń dosyna joldaǵan.
Álgi dos kádesyıdy óz qyzyna qaldyrǵan, al búginde zeınetke shyqqan ol keıýana ómir boıy Norfolkta, óz úıinde saqtap kelgen sıgara tuqylyn endi satylymǵa shyǵaryp otyr.
