Cherchesov Aýstrııa jáne Slovenııaǵa qarsy oıynǵa qatysatyn quramdy jarııalady

ASTANA. KAZINFORM - Qazaqstan ulttyq quramasynyń qazan aıynda ótetin Aýstrııa jáne Slovenııaǵa qarsy oıyndarǵa shaqyrylǵan fýtbolshylardyń naqty tizimin jarııalady.

Bas bapker Stanıslav Cherchesovtiń sheshimimen naqty tizimge 28 fýtbolshy engizildi. Oqý-jattyǵý jıyny 5 qazan kúni Aýstrııanyń Krems qalasynda bastalyp, 9-yna deıin jalǵasady.

Oıynshylardyń tolyq tizimi tómendegideı:

Qaqpashylar: Igor Shatskıı («Aqtóbe»), Aleksandr Zarýtskıı («Astana»), Stas Pokatılov («Tobyl»), Bekhan Shaızada («Ordabasy»);

Qorǵaýshylar: Álibek Qasym («Aqtóbe»), Nuraly Álip («Zenıt», Reseı), Aleksandr Marochkın, ıAn Vorogovskıı, Marat Bystrov (barlyǵy – «Astana»), Sultanbek Astanov («Ordabasy»), Roman Asrankýlov («Tobyl»), Lev Skvortsov («Shınnık», Reseı), Ashat Baltabekov («Jetisý»), Ular Jaqsybaev («Qyzyljar»), Ádilbek Jumahanov («Atyraý»);

Jartylaı qorǵaýshylar: Ashat Taǵybergen, Baýyrjan Islamhan, Aıbol Ábiken (barlyǵy – «Ordabasy»), Ramazan Orazov («Sılkeborg», Danııa), Maksım Samorodov («Ahmat», Reseı), Aslan Darabaev («Elimaı»), Baqtıer Zaınýtdınov («Beshıktash», Túrkııa), Islam Chesnokov («Tobyl»), Andreı Ýlshın («Qaırat»);

Shabýylshylar: Abat Aıymbetov («Adana Demırspor», Túrkııa), Aıbar Jaqsylyqov («Qaısar»), Jan-Álı Paırýz («Elimaı»), Artýr Shýshenachev («Sochı», Reseı).
Oqý-jattyǵý jıyny 5 qazan kúni Aýstrııanyń Krems qalasynda bastalyp, 9-na deıin jalǵasady.

Aıta ketsek, Qazaqstan quramasy qazan aıynda UEFA Ulttar lıgasy aıasynda 10 qazanda syrt alańda Aýstrııamen kezdesedi. Match Lınts qalasynyń «Raıffaızen Arena» stadıonynda ótedi. Oıyn Astana ýaqytymen saǵat 23:45-te bastalady. 

Odan keıin 13 qazanda bizdiń qurama Slovenııany qabyldaıdy. Kezdesý Almatynyń Ortalyq stadıonynda saǵat 18:00-ge josparlanǵan. 

Eske salsaq, budan buryn «Aqtóbe» 16 jyldan keıin Qazaqstan kýbogynyń ıegeri atandy.