Chendý- Dostyq-Lodz baǵdarynda júk tasymalynyń kólemi artty
ASTANA. QazAqparat - Aqpannyń alǵashqy onkúndiginde júk aınalymy ótken jyldyń sáıkes merzimimen salystyrǵanda 2,5 paıyzǵa ósken. Júk tıeý kólemi 1,8 paıyzǵa kóterilgen. Bul týraly QazAqparat «QTJ-Júk tasymaly» UK» AQ baspasóz qyzmetine silteme jasap habarlaıdy.
Ótken jyldyń sáıkes merzimimen salystyrǵanda astyq tasymaly 11 paıyzǵa kóterildi. Onyń ishinde elishilik baǵdarǵa 50,5 myń tonna bolsa, 139,7 myń tonna syrtqa shyǵarylǵan.
Un ónimderin tasymaldaý ótken jylmen salystyrǵanda 97% qurady. Un ónimderin tasymaldaýdyń azaıýy, naryqtyń un ónimderine suranysy azaıýy men Aýǵanstanda unnyń baǵasynyń tómendeýi áserinen bolyp otyr.
Áleýmettik-turmystyq maqsattaǵy kómir tıeý kólemi ótken jylǵy jylý berý maýsymyna qaraǵanda segiz paıyzǵa ósti.
Importtyq baǵdardaǵy júk tasymaldaý kólemi 1,5 mıllıon tonna qurap, ótken jyldyń sáıkes merzimimen salystyrǵanda 16 myń tonnaǵa joǵary kórsetkishti qurady.
Eksporttyq baǵdardaǵy júk kólemi 8,3 mıllıon tonna qurady. Qytaımen shekara ótkelinde Qytaıdan 26 %, Ózbekstanǵa - 58 %, Aqtaý porty arqyly 27% ósti.
Jyl basynan beri Qazaqstan aýmaǵy arqyly 361 konteınerlik poıyz ótti. Onyń ishinde Qytaı- Eýropa baǵdaryna 135 poıyz, keri qaraı Eýropa-Qytaı baǵdaryna -109 poıyz ótti.
Chendý- Dostyq-Lodz baǵdarynda da ósim baıqalady.
