Chen Gopın: Astana - Qazaqstannyń gaýhary jáne Ortalyq Azııanyń keremeti
BEIJІŃ. QazAqparat - QHR terrorızmmen kúres jáne qaýipsizdik máseleleri boıynsha memlekettik komıssary Chen Gopın qazaqstandyqtardy Astana kúnimen quttyqtady.
«Qazaqstan halqyn Astana kúnimen quttyqtaımyn. Bul kúni Qazaqstan respýblıkasynyń uly kóshbasshysy Nursultan Nazarbaev dúnıege keldi. Onyń jetekshiligimen halyqaralyq arenada Qazaqstan Ortalyq Azııanyń turaqty, abyroıly, áleýetti eline aınaldy. Astana Qazaqstannyń jas astanasy ekenine qaramastan, jyldan-jylǵa Qazaqstannyń gaýharyna, tipti Ortalyq Azııanyń teńdessiz keremetine aınalýda», - dedi ol qazaqstandyq jýrnalıstermen suqbat kezinde.
Chen Gopın birneshe jyl Qazaqstandaǵy QHR elshisi qyzmetinde júrip, Astananyń ósip-damýyna kýá bolǵan.
«Búginde Astana - Qazaqstan damýynyń aınasy. Men N.Nazarbaevtyń kóregen jetekshiligindegi memleketterińizge tolaǵaı tabys tileımin. Astananyń kelesi jyly EKSPO kórmesi syndy jaýapty qyzmet atqaratynyn erekshe atap ótkim keledi. Onyń saltanatty ashylý sharasyna QHR tóraǵasy Sı Tszınpındi shaqyrady degen senimdemin. Taǵy da qazaqstandyqtardy qala kúnimen quttyqtaımyn, Qazaqstan halqyna baqyt pen densaýlyq tileımin», dedi Chen Gopın.
Eske sala ketsek, túrli jyldary Chen Gopın Reseı men Grýzııadaǵy Qytaı dıplomatııalyq ókildikterinde, QHR SІM Eýropa jáne Ortalyq Azııa elderi departamentiniń basshysy, Qytaı syrtqy ister mınıstriniń orynbasary boldy. 2008-2009 jyldary Qazaqstandaǵy QHR elshiligin basqardy.
