Chempıondar lıgasynyń qarymta matchyndaǵy «Astana» - «Dınamo» Zagreb oıyny qashan ótedi
ASTANA. QazAqparat – 2 tamyz, sársenbi kúni Astanada Chempıondar lıgasynyń ekinshi irikteý raýndynyń qarymta matchy ótedi. «Astana» óz alańynda Zagrebtiń «Dınamosyn» qabyldaıdy, dep habarlaıdy QazAqparat Sports.kz-ke silteme jasap.
«Astana» - «Dınamo» Zagreb matchynyń tikeleı translıatsııasy astana ýaqytymen 20:00 bastalady.
Komandalardyń birinshi oıyny Zagrebte bolyp, «Dınamo» 4:0 esebimen «Astananyń» tas-talqanyn shyǵarǵanyn eske sala keteıik. Lýka Ivanýshets het-trık (41, 43 jáne 56 mınýttarda) avtory atansa, taǵy bir goldy Brýno Petkovıch (36 mınýtta) soqty.
Osy oıynnan keıin «Astana» Qazaqstan chempıonatynda syrt alańda «Qyzyljarmen» oınap, 0:1 esebimen jeńilip qaldy. Zagrebtiń «Dınamosyna» keler bolsaq, ol ulttyq birinshilikte syrt alańda «Istrany» 3:0 esebimen jeńdi.
