Chempıondar lıgasynyń irikteý matchynda Pıterlik «Zenıt» frantsýzdyń «Oserin» ázer utty
ASTANA. Tamyzdyń 18-i. QazAqparat /Danıel Shaıynǵazın/ - Chempıondar lıgasynyń toptyq kezeńine shyǵý úshin ótken alǵashqy matchta, seısenbi kúni pıterlik «Zenıt» óz alańynda frantsýzdyń «Oserin» utty. Oıynnyń bastalǵanyna 3 mınýt ótkende Aleksandr Kerjakov salǵan gol «Zenıtke» jeńis syılady. Esep 1:0. Jaýap match tamyzdyń 25-inde Oserde ótedi.
«Osermen» kezdesýinde reseılik forvard «Zenıttegi» óziniń júzinshi dobyn soqty.
Oıyn barysynda eki komanda da bir-birine qarsy shabýyldar uıymdastyrǵanymen, esep ózgerissiz qala berdi. Ókinishke qaraı, alań ıeleriniń esepti ulǵaıtýǵa naqty múmkindikteri basym boldy. «Zenıttiń» jartylaı qorǵaýshysy Roman Shırokovtyń eki márte soqqan doby qaqpaǵa darymady.
