Chempıondar Lıgasynyń alǵashqy kezeńinde «Astana» reıtıngte 2-orynǵa shyqty
NUR-SULTAN. QazAqparat – Chempıondar Lıgasyndaǵy oıynyn birinshi irikteý kezeńinen bastaıtyn elordanyń «Astana» klýby upaı sany boıynsha reıtıngte ekinshi orynda tur, dep habarlaıdy QazAqparat KazFootball.kz portalyna silteme jasap.
Chempıondar Lıgasynyń birinshi irikteý kezeńinde 38 elden 34 komanda baq synaıdy. 29 000 upaı jınaǵan «Astana» Bolgarııa, Serbııa, Ázerbaıjan, Polsha, Rýmynııa jáne basqa elderdiń komandalaryn artta qaldyryp, reıtıngtiń ekinshi ornynda tur.
Birinshi orynǵa shotlandııalyq «Seltık» jaıǵasqan.
ChL birinshi kezeńindegi aldyńǵy oryndaǵy bes komandanyń reıtıngi mynadaı:
«Seltık» (Shotlandııa) – 34,000
«Astana» (Qazaqstan) – 29,000
«Lýdogorets» (Bolgarııa) – 26,000
«Tsrvena Zvezda» (Serbııa) – 22,750
«Karabah» (Ázerbaıjan) – 21,000.
Chempıondar Lıgasynyń birinshi irikteý kezeńiniń oıyndary 2020 jyldyń 18-19 tamyz kúnderi ótedi. Oıyndar bir matchtan turady.
