Chempıondar lıgasyndaǵy eń úzdik goldyń avtory anyqtaldy
ASTANA. QazAqparat - Daýys berý qorytyndysy boıynsha túrkııalyq "Beshıktash" komandasynyń forvardy Djenk Tosýnnyń soqqan goly 2016-2017 jylǵy Chempıondar lıgasynyń eń úzdik goly dep tańdaldy. Bul týraly ÝEFA-nyń resmı saıtynda habarlandy.
Chempıondar lıgasynyń toptyq kezeńinde portýgalııalyq "Benfıka" (3:3) komandasynyń qaqpasyna Tosýn soqqan gol daýys berý kezinde 41% qoldaý taýyp, týrnırdiń eń úzdik goly atandy.
Túrik fýtbolshysy daýys berýde ChL fınalynda "Realdyń" qaqpasyna gol salǵan Marıo Mandjýkıch pen "Sportıngpen" kezdesýde mergendik tanytqan Krıshtıaný Ronaldýdan da ozyp ketken.
Eń qyzyǵy, buǵan deıin de talaı ret ChL-dyń úzdik goldaryn anyqtap kelgen ÝEFA-nyń tehnıkalyq baqylaýshylary úzdik gol avtory dep Mandjýkıchti tańdaǵan. Olardyń esebi boıynsha Tosýnnyń goly alǵashqy ondyqqa da kirmegen eken.
