Chempıondar lıgasynda taǵy eki oıyn ótkiziledi

Jarystyń atalǵan satysyndaǵy bir kezdesýde «Portý» (Portýgalııa) men «ıÝventýs» (Italııa) komandalary sheberlik baıqasady.

Oıyn elorda ýaqytymen 01.50-de bastalyp, «Qazsport» telearnasynan tikeleı efırde kórsetiledi.

Eki komanda dop dodasynda buǵan deıin eki márte kezdesti. 2017 jyly 1/8 fınalda ıtalıandyq klýb qarsylasyn eki oıynda 1:0, 2:0 esebimen jeńip, shırek fınalǵa joldama alǵan bolatyn.

Eki komanda quramynda jaraqat alǵan oıynshylar sany kóp emes. Tek «Portý» quramynda Fernando Andrade kezdesýden tys qalyp otyr.

Kezdesýge ıspanııalyq Karlos Del Serro Grande qazylyq etse, oǵan otandastary Hýan ıÝste Hımenes pen Roberto Alonso Fernandes kómekshilik jasaıdy.

Oıyn Portý qalasyndaǵy «Dragão» stadıonynda ótkiziledi.

Búgingi taǵy bir kezdesýde «Sevılıa» (Ispanııa) jáne «Borýssııa Dortmýnd» (Germanııa) jasyl alańǵa shyǵady.

Oıyn elorda ýaqytymen 01.50-de bastalyp, «Qazsport» telearnasynan tikeleı efırde kórsetiledi.

Buǵan deıin atalǵan klýbtardyń Chempıondar lıgasynda joly túıisken emes.

Al Eýropa lıgasynda 2010 jyly toptyq kezeńdegi alǵashqy oıynda «Sevılıa» qarsylasyn 1:0 esebimen jeńip, qarymta oıynda 2:2 esebi tirkeldi.

Ispandyq klýb jarysty jalǵastyrdy.

Búgingi kezdesýge nıderlandylyq Dannı Makkelı bas tóreshi retinde belgilengen.

Oǵan otandastary Hessel Stegstra men Marıo Dıks kómekshilik etedi. Oıyn Sevılıa qalasyndaǵy «Ramón Sánchez Pizjuán» stadıonynda ótedi.

Oıynǵa qatysa almaıtyn fýtbolshylar bar. Alǵan jaraqatyna baılanysty «Sevılıa» quramynan Hesýs Navas, Lýkas Okampos, Markos Akýnıa, «Borýssııa Dortmýnd» qatarynan Torgan Azar, Dan-Aksel Zagadý, Aksel Vıtsel, Marsel Shmeltser, Roman Bıýrkı, Toma Mene, Lýkash Pışek jasyl alańǵa shyqpaıdy.

Qarymta oıyndar 11 naýryzǵa belgilengen.

Esterińizge sala ketelik, 16 aqpanda UEFA Chempıondar lıgasy 1/8 fınalynyń taǵy eki oıyny ótkizildi.

Chempıondar lıgasynyń atalǵan satysyndaǵy qalǵan tórt kezdesý 23 jáne 24 aqpan kúnderi bolady.