Chempıondar lıgasy: Jartylaı fınalda "Barselona" men "Real" jáne "Manchester ıÝnaıted" pen "Shalke-04" komandalary kezdesedi
ASTANA. 14 sáýir. QazAqparat /Marlan Jıembaı/ - Fýtboldan Eýropa chempıondary lıgasynyń jartylaı fınalynda Ispanııanyń «Barselona» jáne «Real» komandalary, sondaı-aq Anglııanyń «Manchester ıÝnaıted» jáne Germanııanyń «Shalke-04» klýbtary kezdesedi.
Budan buryn habarlaǵanymyzdaı, «Manchester ıÝnaıted» pen «Barselona» qos oıynnyń qorytyndysy boıynsha tıisinshe «Chelsı» (Anglııa) men «Shahter» (Ýkraına) klýbtaryn jeńip, jartylaı fıtnalǵa shyqqan bolatyn. Al olardyń qarsylastary keshe ótken qarymta oıynnan keıin belgili boldy. «Real» syrt alańda Anglııanyń «Tottenhem» komandasymen kezdesip, 1:0 esebimen jeńdi. Bul komandalar arasyndaǵy Ispanııada ótken birinshi matchta 4:0 esebimen «Real» jeńis toıyn toılaǵan bolatyn. Osylaısha qos matchtyń nátıjesi boıynsha ıspanııalyq klýb kelesi kezeńge shyqty. Al «Shalke-04» komandasy bolsa qarymta oıynda ótken maýsymdaǵy chempıondar lıgasynyń jeńimpazy Italııanyń «Inter» klýbyn qabyldap, 2:1 esebimen jeńiske jetti. Italııada ótken birinshi oıynda nemis klýby 5:2 esebimen qarsylasyn qapy qaldyrǵan edi. Osylaısha eki oıynnyń nátıjesi boıynsha 7:3 esebimen basym túsken «Shalke-04» komandasy óz tarıhynda tuńǵysh ret chempıondar lıgasynyń jartylaı fınalyna shyqty. «Barselona» men «Real» jáne «Manchester ıÝnaıted» pen «Shalke-04» klýbtary arasyndaǵy jartylaı fınaldyń alǵashqy oıyndary sáýirdiń 19-y jáne 20-sy kúnderi ótedi.
