Chempıondar Lıgasy úshinshi kezeńinde «Astananyń» qarsylastary belgili boldy
ASTANA. QazAqparat - Horvatııalyq «Dınamo» (Zagreb) men ızraıldik «Hapoel» (Beer-Sheva) Chempıondar Lıgasy ekinshi irikteý kezeńiniń qarymta matchyn ótkizdi, dep habarlaıdy QazAqparat Sports.kz-ke silteme jasap.
Izraıldegi oıyn teń nátıjemen aıaqtaldy - 2:2. Izraıldik oıynshylardan Djon Ogý (14-mınýt) men Hanan Maman (34-shi) gol salsa, «Dınamo» quramynan Marıo Býdımır (49-shy) men Izet Haırovıch (54-shi) erekshelendi. Birinshi oıynda horvat klýby asa iri jeńiske jetken bolatyn - 5:0.
Osylaısha, eger «Astana» danııalyq «Mıdtıýlland» klýbyn jeńse, úshinshi kezeńde zagrebtik «Dınamomen» oınaıdy.
Birinshi matchta qazaqstandyq komanda óz alańynda Laslo Klıaınhaıslerdiń arqasynda 2:1 esebimen jeńgen edi. Qarymta oıyn 41 tamyz kúni Danııada ótedi.
