Chempıondar lıgasy: «Tottenhem Hotspýrs» fınalǵa shyqty

Gollandııada «Aıaks» Anglııanyń «Tottenhem Hotspýrs» komandasyn qabyldady. Anglııada ótken alǵashqy kezdesýde gollandyqtar 1:0 esebimen jeńiske jetken edi. Sondyqtan olardyń fınalǵa shyǵý múmkindigi basym bolyp turdy.

Byltyr «Aıaks» komandasyna Erık ten Hag bas bapkerlik qyzmetke keldi. Sodan beri komanda táp-táýir nátıjege qol jetkize bastady. Chempıondar lıgasy toptyq kezeńinde E tobynda synǵa tústi. Azýly «Bavarııamen» eki márte teń oınady. Ekinshi orynmen jarystyń 1/8 fınalyna shyǵyp, onda Ispanııanyń «Real Madrıd» klýbyn orta jolda qaldyryp ketti. Odan keıin shırek fınalda Italııanyń «ıÝventýsyn» jeńdi. Endi Anglııanyń «Tottenhem Hotspýr» klýbynan da basym tústi. Anglııada ótken alǵashqy kezdesýde 1:0 esebimen utqan olar óz alańynda da shırek qımyldaı bildi.

Búgingi kezdesýde «Aıaks» jyldam gol soǵyp ketti. Olar 5-mınýtta esep ashty. Bul goldy Mateıs de Lıt sheber oryndaı bildi. Al 35-mınýtta tabloda «Aıakstyń» basymdyǵyn kórsetken 2:0 esebi janyp turdy.

Sylbyr oıynymen fınalǵa shyǵýdan shet qalatynyn túsingen «Tottenhem Hotspýr» oıynshylary shabýylǵa kóbirek kóńil bóle bastady. Nátıjesinde nebári tórt mınýt ishinde alań ıeleri qaqpasyna eki gol soǵyp ketti. Bul gol 55 jáne59-mınýttarda Lýkas Moýranyń enshisine jazyldy. Al oıynnyń bitýine sanaýly mınýttar qalǵanda aǵylshyndar jeńis golyn soqty. Bul joly da Lýkas Moýra mergendik tanytty. Osylaısha olar syrt alańda 3:2 esebimen jeńiske jetip, fınalǵa joldama aldy.

Aıta keterligi, «Tottenhem Hotspýrs» búgingi kúnge deıin birde-bir márte Chempıondar lıgasynda jeńiske jetip kórmegen eken. Sol olqylyqtyń ornyn bıyl toltyrýǵa ábden bolady. Endi olar fınalda Anglııanyń «Lıverpýl» klýbymen sheberlik baıqasady.

Esterińizge sala ketelik, keshe Anglııanyń «Lıverpýl» klýby óz alańynda Ispanııanyń «Barselonasyn» 4:0 esebimen jeńip, aqtyq saıysqa joldama alǵan edi. Fınal 1 maýsymda Ispanııa astanasy - Madrıd qalasyndaǵy ««Metropolıtano» stadıonynda ótkiziledi.