Chempıondar lıgasy: Shırek fınalǵa shyqqan komandalar anyqtaldy

ASTANA. QazAqparat - UEFA Chempıondar lıgasy shırek fınalyna joldama alǵan barlyq komanda belgili boldy, dep habarlaıdy QazAqparat tilshisi.

15 naýryzdan 16-na qaraǵan túni 1/4 fınalda Ispanııanyń «Real Madrıd» klýby óz alańynda Anglııanyń «Lıverpýlin» qabyldady. Alǵashqy kezdesýde ıspanııalyq klýb qarsylasyn syrt alańda 5:2 esebimen tize búktirgen edi.

Sondyqtan aǵylshyndar úshin jarysty jalǵastyrý múmkindigi qıyn tıetini belgili edi.

Nátıjesinde bul joly qarsylasyn 1:0 esebimen qapy qaldyrǵan ıspanııalyq klýb jarystyń kelesi satysyna shyqty.

Sondaı-aq, taǵy bir oıynda «Napolı» (Italııa) jáne «Aıntraht» (Germanııa) komandalary sheberlik baıqasty. Birinshi oıynda ıtalııalyqtar 2:0 esebimen jeńiske jetse, bul joly olar 3:0 esebimen basym tústi. Shırek fınalǵa «Napolı» joldama aldy.

Eske salsaq, budan buryn «Manchester Sıtı» (Anglııa), «Inter» (Italııa), «Bavarııa» (Germanııa), «Mılan» (Italııa), «Benfıka» (Portýgalııa) men «Chelsı» (Anglııa) komandalary shırek fınalǵa joldama aldy.

Endi 1/4 fınal oıyndary 1

1-12, 18-19 sáýir kúnderine belgilengen. Al jartylaı fınal 9-10, 16-17 mamyr kúnderi ótkiziledi.

Fınal 10 maýsymda Túrkııanyń Stambýl qalasyndaǵy Atatúrik atyndaǵy Olımpıadalyq stadıonda bolady.