Chempıondar lıgasy: «Shahter» elordada «Skenderbeý» klýbyn qabyldaıdy
ASTANA. 30 shilde. QazAqparat - Búgin, 30 shilde qazaq fýtbolynyń tarıhyndaǵy sheshýshi kúnderdiń biri.
«Shahter» Astanada «Skenderbeý» klýbyn qabyldaıdy. Bul Chempıondar lıgasynyń úshinshi irikteý kezeńindegi alǵashqy oıyn.
«Shahter» «Skenderbeýden» basym tússe, Chempıondar lıgasynyń pleı off kezeńine shyqpaq. Eger pleı ofta utylyp jatsa da joǵaltarymyz az. Bizge arman bolǵan Eýropa lıgasynyń toptyq kezeńine top ete qalmaqpyz.
Al jeńiler bolsaq, onda «Shahter» Eýropa lıgasynyń pleı off irikteýine ótedi. Mine, «Shahterdiń» qazirgi múmkindigi osyndaı.
Býkmerlik keńseler alǵashqy oıynda «Shahterdi» favorıt sanaıdy. Qaraǵandylyqtardyń jeńisine 1, 45, teń oıynǵa 4,02, albandyqtardyń jeńisine 8,34 koeffıtsent beripti, dep jazady «Alaman».
