Chempıondar lıgasy: «Real Madrıd» jańa rekord jasady
NUR-SULTAN. QazAqparat - Ispanııanyń «Real Madrıd» klýby fýtboldan UEFA Chempıondar lıgasynda rekord jańartty. Ol óziniń tarıhyna atalǵan týrnırdiń jartylaı fınalyna 14 márte shyǵyp otyr, dep habarlaıdy QazAqparat tilshisi.
Ispandyq klýb 14 sáýirde syrt alańda Anglııanyń «Lıverpýl» klýbymen 0:0 esebimen teń oınady. Alǵashqy kezdesýde «Real Madrıd» 3:1 esebimen tize búktirgen edi. Eki oıynnyń nátıjesimen ıspandyq klýb jartylaı fınalǵa shyqty.
Keshe taǵy bir kezdesýde Germanııanyń «Borýssııa Dortmýnd» komandasy óz alańynda «Manchester Sıtı» klýbyna 1:2 esebimen ese jiberdi. Nemis fýtbolshylary dál sol eseppen apta buryn da jeńilip qalǵan bolatyn.
Endi 27 sáýir men 4 mamyrda «Manchester Sıtı» men «Parı Sen -Jermen» (Frantsııa), «Chelsı» (Anglııa) men «Real Madrıd» komandalary sheberlik baıqasady.
Fınal 29 mamyrda Túrkııanyń Ystanbul qalasyndaǵy «Atatúrik» olımpıadalyq stadıonynda ótedi.
