Chempıondar lıgasy: Real Madrıd pen Manchester Sıtı teń tústi

ASTANA. QazAqparat – Mamyrdyń 9-ynan 10-yna qaraǵan túni UEFA Chempıondar lıgasy jartylaı fınalyndaǵy alǵashqy oıyn ótkizildi, dep habarlaıdy QazAqparat tilshisi.

Bul kúni «Real Madrıd» (Ispanııa) pen «Manchester Sıtı» (Anglııa) sheberlik baıqasty.

Qarsylastar byltyr Chempıondar lıgasynyń jartylaı fınalynda kezdesken. Eki oıynnyń nátıjesimen «Real Madrıd» (3:1, 3:4) fınalǵa joldama alǵan edi. Jankúıerler kóńilinde «sol ketken eseni aǵylshyndyq klýb qaıtara ala ma?» degen oı boldy.

Alǵashqy mınýttan «Manchester Sıtı» oıynshylary shabýylǵa shyqty. Oǵan alań ıeleri laıyqty tótep bere bildi. Esesine 36-mınýtta «Real Madrıd» sapynan Vınısıýs Jýnıor óz múmkindigin múlt jibergen joq.

Oıynnyń 67-mınýtynda «Manchester Sıtı» sapynan Kevın De Breıne tarazy basyn teńestirdi.

Osylaısha komandalar 1:1 esebine qanaǵat bildirdi.

Komandalar qarymta oıyndy 17 mamyrda ótkizedi.

Endi mamyrdyń 10-ynan 11-ine qaraǵan túni «Inter» (Italııa) men «Mılan» (Italııa) kezdesedi.

Fınal 10 maýsymda Túrkııanyń Stambýl qalasyndaǵy Olımpıadalyq stadıonynda ótkiziledi.