Chempıondar lıgasy: «Real Madrıd» klýby týrnırdi jeńispen bastady
NUR-SULTAN. QazAqparat - Búgin fýtboldan UEFA Chempıondar lıgasy toptyq kezeńindegi alǵashqy týr aıaqtaldy, dep habarlaıdy QazAqparat tilshisi.
Jankúıerler 15 qyrkúıekte A, V, S, D toptaryndaǵy oıyndardy tamashalady.
A tobynda «Manchester Sıtı» (Anglııa) óz alańynda Germanııanyń «Leıptsıg» komandasyn 6:3 esebimen tize búktirse, «Brıýgge» (Belgııa) men «Parı Sen-Jermen» (Frantsııa) 0:0 esebine qanaǵat bildirdi.
V tobynda «Lıverpýl» (Anglııa) men «Mılan» (Italııa) tartysty báseke ótkizdi. Oıynda aǵylshyndar 3:2 esebimen jeńiske jetti.
Al «Atletıko Madrıd» (Ispanııa) men «Portý» (Portýgalııa) 0:0 esebine qanaǵat bildirdi.
Sondaı-aq, S tobynda Túrkııanyń «Beshıktash» klýby óz alańynda Germanııanyń «Borýssııa Dortmýnd» komandasyna 1:2 esebimen jeńilse, Portýgalııanyń «Sportıngi» Nıderlandynyń «Aıaksyna» 1:5 esebimen ese jiberdi.
D tobynda Moldovanyń «Sherıfi» óz alańynda Ýkraınanyń «Shahterin» 2:0 esebimen tize búktirse, Italııanyń «Interi» Ispanııanyń «Real Madrıdine» 0:1 esebimen jol berdi.
Endi ekinshi týr oıyndary 28 jáne 29 qyrkúıek kúnderi ótkiziledi.
Eske salsaq, budan buryn 14 qyrkúıekte E, F, G, H toptarynda oıyndar ótkizildi.
