Chempıondar lıgasy: «Real Madrıd» alǵashqy upaıyna qol jetkizdi
NUR-SULTAN. QazAqparat - Búgin UEFA Chempıondar lıgasy toptyq kezeńiniń ekinshi týryndaǵy segiz kezdesý ótti, dep habarlaıdy QazAqparat tilshisi.
A tobynda Germanııanyń «Bavarııasy» Reseı astanasy - Máskeýde jergilikti «Lokomotıvti» 2:1 esebimen tize búktirdi. Al Ispanııanyń «Atletıko Madrıdi» óz alańynda Avstrııanyń «Red Býll Zaltsbýrgyn» 3:2 esebimen jeńdi. A tobynda alty upaımen «Bavarııa» kósh bastap tur.
Ispanııanyń «Real Madrıd» klýby Germanııada Menhengladbahtyń «Borýssııasymen» 2:2 esebimen teń oınady. Osylaısha olar eki oıynda alǵashqy upaıyna áreń qol jetkizdi. V tobyndaǵy taǵy bir kezdesýde Ýkraınanyń «Shahter» jáne Italııanyń «Inter» komandalary 0:0 esebine qanaǵat bildirdi. Birinshi orynda 4 upaımen «Shahter» tur.
S tobynda Anglııanyń «Manchester Sıtı» komandasy ekinshi týrda syrt alańda Frantsııanyń «Olımpık Marselinen» 3:0 esebimen basym tústi. Osy topta Portýgalııanyń «Portýy» «Olımpıakosyn» 2:0 esebimen jeńdi. Kósh basynda alty upaımen «Manchester Sıtı» keledi.
D tobynda synǵa túsip jatqan Anglııanyń «Lıverpýli» bul joly da jeńiske jetti. Aǵylshyndyq klýb bul joly óz alańynda Danııanyń «Mıdtıýllannyn» 2:0 esebimen utty. Atalǵan toptaǵy Italııanyń «Atalanta» jáne Gollandııanyń «Aıaks» komandalary 2:2 esebimen teń oınady. Eki týrda birde-bir upaıdy shashaý shyǵarmaǵan «Lıverpýl» kqsh bastap keledi.
Chempıondar lıgasy búgin jalǵasady. Bul joly E, F, G, H toptaryndaǵy komandalar oınaıdy.
