Chempıondar lıgasy: «Portý» shabýyldap, «Lıverpýl» gol soqty
NUR-SULTAN. QazAqparat - Búgin fýtboldan Chempıondar lıgasy shırek fınalynda Portýgalııanyń «Portý» komandasy óz alańynda Anglııanyń «Lıverpýl» klýbyn qabyldady, dep habarlaıdy QazAqparat tilshisi.
Aıta keterligi, ázirge bul oıynda 1:0 esebimen «Lıverpýl» komandasy jeńip jatyr. Olar óz alańynda ótken alǵashqy kezdesýde 2:0 esebimen basym túsken bolatyn. Sondyqtan jartylaı fınalǵa joldama alýǵa bir taban jaqyn turǵan jaıy bar. «Portý» jarystyń kelesi satysyna shyǵýy úshin kem degende tórt gol soǵýy tıis.
Eki komanda byltyr da Chempıondar lıgasy 1/8 fınalynda kezdesti. Portý qalasynda ótken oıynda alań ıeleri atalmysh qarsylasyna 0:5 esebimen jol bergen edi. Al Anglııada bolǵan matchta esep ashylǵan joq. Aǵylshyn jankúıerleri óz komandasynan ótken jylǵydaı qarqyndy oıyn kútkeni anyq.
Búgingi kezdesýde portýgal fýtbolshylary kezdesý basynan qarqyndy oıyn kórsetýge tyrysty. Alańnyń barlyq shebinen «Lıverpýl» qaqpasyna shabýyl jasady. Keıbir sátte olar qaqpany dál kózdeı almaı jatty. Esesine aǵylshyndar 26-mınýtta alań ıeleri qaqpasynan sańylaý tapty. Áriptesi Mohamed Salahtyń pasyn Sadıo Mane qaqpaǵa baǵyttady.
Bul jupta jeńimpaz atanǵan komanda jartylaı fınalda Ispanııanyń «Barselona» klýbymen kezdesedi. Ispandyq ujym keshe Anglııanyń «Manchester ıÝnaıtedin» 3:0 esebimen jeńgen bolatyn. Atalmysh eki komanda arasyndaǵy alǵashqy kezdesýde de ıspan ftbolshylary 1:0 esebimen basym tústi.
