Chempıondar lıgasy: «Parı Sen-Jermen» fınalǵa joldama aldy
NUR-SULTAN. QazAqparat - UEFA Chempıondar lıgasy 2020/2021 jylǵy kezeńiniń fınalyna shyqqan alǵashqy komanda anyqtaldy, dep habarlaıdy QazAqparat tilshisi.
Búgin jartylaı fınalda Frantsııanyń «Parı Sen-Jermen» jáne Germanııanyń «Leıptsıg» komandalary kezdesti. Quramyna kóptegen tájirıbeli fýtbolshylardy jınaqtaǵan «Parı Sen-Jermen» bul joly da syr bergen joq.
Oıynnyń birinshi kezeńinde frantsýz fýtbolshylary qarsylastar qaqpasyna eki gol soǵyp ketti. Olardyń qatarynan 13-mınýtta Markınos esep ashsa, 42-mınýtta Anhel Dı Marııa esepti ústemeleı tústi.
Ekinshi kezeńde «Leıptsıg» gol soǵatyn birneshe múmkindikti múlt jiberdi. Esesine 56-mınýtta «Parı Sen-Jermen» sapynan Hýan Bernat qarsylastar qaqpasyn dál kózdedi.
Endi 19 tamyzda jartylaı fınalda Germanııanyń «Bavarııa» jáne Frantsııanyń «Lıon» komandalary kezdesedi.
Aıta keter bolsaq, Chempıondar lıgasynyń shırek fınalynan bastap qalǵan bóligi Portýgalııa astanasy - Lıssabon qalasynda ótip jatyr. Ol segizdik fınaly formatynda oınalýda. Fınal 23 tamyzda ótkiziledi.
