Chempıondar lıgasy: «Mılan» men «Real Madrıd» jartylaı fınalǵa shyqty

ASTANA. QazAqparat - Fýtboldan UEFA Chempıondar lıgasy shırek fınalyna shyqqan eki komanda anyqtaldy, dep habarlaıdy QazAqparat tilshisi.

Eki oıynnyń birinde «Napolı» (Italııa) men «Mılan» (Italııa) kezdesti.

Alǵashqy oıynda mılandyq klýb 1:0 esebimen basym túsken edi. Sondyqtan jankúıerler «Napolıden» qarqyndy shabýyl kútti. Degenmen «Mılan» sapynan Olıve Jırý 43-mınýtta kózdegen nysanadan múlt ketken joq. Ol 22-mınýtta penaltıden múlt ketken edi. Bul «Napolıdiń» jaǵdaıyn qıyndata tústi.

Oıynnyń 93-mınýtynda «Napolı» sapynan Vıktor Osımhen tarazy basyn teńestirgen edi. Kezdesý 1:1 esebimen teń aıaqtaldy. Eki oıynnyń nátıjesimen «Mılan» jartylaı fınalǵa joldama aldy.

Taǵy bir kezdesýde Ispanııanyń «Real Madrıd» klýby Anglııada «Chelsımen» synǵa tústi. Birinshi kezdesý 2:0 esebimen madrıdtik klýbtyń basymdyǵymen aıaqtaldy.

Búgingi kezdesýde aǵylshyndyq komanda alǵa qaraı umtyldy. Oǵan «Real Madrıd» qorǵaýshylary laıyqty tótep berdi. Esesine 58-mınýtta óz qaqpasyna gol jiberip aldy. Ony Rodrıgo óziniń enshisine jazdy. 80-mınýtta ol ekinshi golyn soqty.

Kezdesýde «Real Madrıd» 2:0 esebimen jeńiske jetip, jarystyń kelesi satysyna shyqty.

Endi sáýirdiń 19-nan 20-na qaraǵan túni «Bavarııa» (Germanııa) men «Manchester Sıtı» (Anglııa), «Inter» (Italııa) men «Benfıka» (Portýgalııa) komandalary kezdesedi.