Chempıondar lıgasy: «Manchester Sıtı» shırek fınalǵa shyǵa ala ma

ASTANA. QazAqparat - UEFA Chempıondar lıgasy 1/8 fınalynda 14 naýryzdan 15-ne qaraǵan túni qarymta eki oıyn ótkiziledi, dep habarlaıdy QazAqparat tilshisi.

Eki oıynnyń birinde Portýgalııanyń «Portý» komandasy óz alańynda Italııanyń «Interin» qabyldaıdy.

Kezdesý elorda ýaqytymen 1.50-de bastalyp, «Qazaqstan» telearnasynan tikeleı efırde kórsetiledi.

Eki komanda buǵan deıin bes márte kezdesti. Onyń bireýinde «Portý», úsheýinde «Inter» jeńse, bir kezdesýde teń tarqasty.

1/8 fınaldaǵy alǵashqy oıynda ıtalııalyq klýb 1:0 esebimen basym tústi.

Ekinshi kezdesýde Anglııanyń «Manchester Sıtı» jáne Germanııanyń «RB Leıptsıg» komandalary sheberlik baıqasady.

Kezdesý elorda ýaqytymen 1.50-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin úsh márte kezdesti. Onyń ekeýinde komandalar bir-birden jeńiske jetse, bir kezdesý teń nátıjemen aıaqtaldy.

Al 1/8 fınaldaǵy alǵashqy oıynda 1:1 esebi tirkeldi.

Eske salsaq, budan buryn «Bavarııa» (Germanııa), «Mılan» (Italııa), «Benfıka» (Portýgalııa) men «Chelsı» (Anglııa) komandalary shırek fınalǵa joldama aldy.