Chempıondar lıgasy: «Manchester Sıtı» «Bavarııanyń» osal tusyn taba ala ma

ASTANA. QazAqparat - Sáýirdiń 11-nen 12-ge qaraǵan túni UEFA Chempıondar lıgasy shırek fınalynda fýtboldan eki oıyn ótkiziledi, dep habarlaıdy QazAqparat tilshisi.

Eki oıynnyń birinde «Benfıka» (Portýgalııa) men «Inter» (Italııa) kezdesedi.

Kezdesý elorda ýaqytymen 0.50-de bastalyp, «Qazaqstan» telearnasynan tikeleı efırde kórsetiledi.

Eki komanda buǵan deıin tórt márte kezdesti. Onyń ekeýinde «Inter» jeńiske jetse, eki kezdesý teń aıaqtaldy.

Eki komanda sońǵy márte 2008 jyly kezdesken edi.

Taǵy bir kezdesýde «Manchester Sıtı» (Anglııa) men «Bavarııa» (Germanııa) komandalary sheberlik baıqasady.

Kezdesý elorda ýaqytymen 0.50-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin cegiz márte kezdesti. Eki komanda tórt-tórt márteden jeńiske jetti. Nemis klýby aǵylshyndyq klýbtyń alańynda 2013 jyldyń 2 qazanynda 3:1 esebimen basym túsken edi.

Sondaı-aq, sáýirdiń 11-nen 12-ge qaraǵan túni «Mılan» (Italııa) men «Napolı» (Italııa), «Real Madrıd» (Ispanııa) men «Chelsı» (Anglııa) komandalary kezdesedi.

Aıta ketsek, 1/4 fınal oıyndary 11-12, 18-19 sáýir kúnderine belgilengen.

Al jartylaı fınal 9-10, 16-17 mamyr kúnderi ótkiziledi.

Fınal 10 maýsymda Túrkııanyń Ystanbul qalasyndaǵy Atatúrik atyndaǵy Olımpıadalyq stadıonda bolady.

Eske salsaq, budan buryn fýtboldan Chempıondar lıgasy shırek fınalynyń jerebesi tartyldy.