Chempıondar lıgasy: «Lıverpýl» jarys jolynan shyǵyp qaldy
NUR-SULTAN. QazAqparat - Búgin UEFA Chempıondar lıgasy 1/8 fınaldyq satysynda Anlııanyń «Lıverpýl» klýby jarys jolynan shyǵyp qaldy, dep habarlaıdy QazAqparat tilshisi.
«Lıverpýl» óz alańynda Ispanııanyń «Atletıko» (Madrıd) komandasymen sheberlik synasty. Úsh aptadan astam ýaqyt buryn 1/8 fınaldyń alǵashqy kezdesýinde olar atalmysh qarsylasynan 0:1 esebimen jeńilip qaldy. Sol sebepti olar oıyn basynan alǵa umtyldy. Olardyń qatarynan 43-mınýtta Jorjıno Veınaldým aǵylshyndyq klýbty alǵa shyǵardy. Kezdesý 1:0 esebimen teń aıaqtaldy. Eki oıyn barysyndaǵy esep 1:1 boldy. Nátıjesinde oıyn qosymsha eki kezeńge sozyldy. Bul kezeńde «Lıverpýl» sapynan 94-mınýtta Roberto Fırmıno 94, «Atletıkodan» Markos Lorente 97, 105, Alvaro Marata 120-mınýttarda gol soqty. Nátıjesinde alań ıeleri 2:3 esebimen jeńilip qaldy. Qos oıynnyń qorytyndysymen ıspandyq klýb jarysty jalǵastyratyn boldy.
Al Frantsııanyń PSJ klýby Germanııanyń «Borýssııa» (Dortmýnd) klýbynan 1:2 esebimen jeńilip qalǵan edi. Birinshi kezeńde frantsýz fýtbolshylary qarsylas qaqpasyna eki gol soǵyp úlgerdi. Ony 31-mınýtta Neımar, 45-mınýtta Hýan Bernat oryndady. Oıynda PSJ 2:0 esebimen jeńip, 1/4 fınalǵa joldama aldy.
Budan buryn 10 naýryzda Italııanyń «Atalantasy» Ispanııanyń «Valensııa», Germanııanyń «RB Leıptsıgi» Anglııanyń «Tottenhem Hotspýryn» orta jolda qaldyryp, shırek fınalǵa joldama aldy.
Endi 17 jáne 18 naýryz kúnderi 1/8 fınaldyń qalǵan tórt oıyny ótkiziledi. Aldymen 17 naýryzda «Manchester Sıtı» (Anglııa) - «Real Madrıd» (Ispanııa), «ıÝventýs» (Italııa) - «Lıon» (Frantsııa), «Barselona» (Ispanııa) - «Napolı» (Italııa), «Bavarııa» (Germanııa) - «Chelsı» (Anglııa) komandalary kezdesedi.
