Chempıondar lıgasy: «Lıverpýl» men «Real Madrıd» klýbtary kezdesedi

ASTANA. QazAqparat - UEFA Chempıondar lıgasy 1/8 fınalynda alǵashqy eki oıyn ótkiziledi, dep habarlaıdy QazAqparat tilshisi.

Eki oıynnyń birinde Germanııanyń «Aıntraht» jáne Italııanyń «Napolı» komandalary sheberlik baıqasady.

Kezdesý 21 aqpannan 22-ne qaraǵan túni elorda ýaqytymen 1.50-de bastalyp, «Qazaqstan» telearnasynan tikeleı efırde kórsetiledi.

Eki komanda buǵan deıin 1994 jyly UEFA kýbogy 1/8 fınalynda joly túıisken edi. Ekeýinde germanııalyq klýb 1:0 esebimen mereıi ústem boldy.

Sondaı-aq, taǵy bir kezdesýde Anglııanyń «Lıverpýl» komandasy óz alańynda Ispanııanyń «Real Madrıd» klýbyn qabyldaıdy.

Kezdesý 21 aqpannan 22-ne qaraǵan túni elorda ýaqytymen 1.50-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin toǵyz márte kezdesti. Úsheýinde «Lıverpýl», beseýinde «Real Madrıd» jeńiske jetse, bir kezdesý teń nátıjemen aıaqtaldy.

Al 22 aqpannan 23-ne qaraǵan túni «Leıptsıg» (Germanııa) jáne «Manchester Sıtı» (Anglııa), «Inter» (Italııa) jáne «Portý» (Portýgalııa) komandalary jasyl alańǵa shyǵady.

Eske salsaq, budan buryn Chempıondar lıgasynda «Parı Sen-Jermen» óz alańynda «Bavarııadan» jeńildi.

Sondaı-aq, «Chelsı» «Borýssııa Dortmýnd» komandasyna jol berdi.