Chempıondar lıgasy: «Kazsport» arnasy «Real» - «Napolı» matchyn kórsetedi
ASTANA. QazAqparat - Naýryzdyń 7-isinen 8-ine qaraǵan túni ÝEFA Chempıondar lıgasy aıasynda Zınedın Zıdan bastaǵan azýly madrıdtik «Real» Neapol qalasyndaǵy San-Paolo stadıonynda jergilikti «Napolı» klýbyna qarsy qarymta kezdesý ótkizedi, dep habarlaıdy vesti.kz.
Eki eýropalyq fýtbol alyby kelesi kezeńge joldamany sarapqa salynatyn oıyndy «Kazsport» telearnasy tikeleı efırde kórsetedi. Translıatsııanyń bastalýy 01:30-da.
Eske sala keteıik, «Santıago Bernabeýde» ótken oıynda koroldik klýb "Napolıden" 3:1 esebimen basym tústi.
Sońǵy bes matchyn madrıdtik «Real» el birinshiligi aıasynda ótkizdi. Tek «Valensııaǵa» qarsy ótken syrt alańdaǵy kezdesýde ǵana ese jiberip, qalǵan úsh oıynda jeńiske jetip, bireýinde «Las- Palmaspen» teń tústi.
Al, ıtalııalyq komanda bul ýaqyt aralyǵynda tórt kezdesý ótkizip úlgerdi. «Napolı» «Kevo» men «Romany» jeńip, «ıÝventýs» pen «Atalantaǵa» ese jiberdi.
