Chempıondar lıgasy: «Qaırat» qarsylasynan ese qaıtara ala ma
NUR-SULTAN. QazAqparat - Búgin UEFA Chempıondar lıgasy birinshi irikteý kezeńinde Almatynyń «Qaıraty» syrt alańda Izraıldiń «Makkabı» (Haıfa) komandasymen kezdesedi, dep habarlaıdy QazAqparat tilshisi.
«Makkabı» (Haıfa) 1913 jyly qurylǵan. Óziniń tarıhynda Izraıldiń 13 dúrkin chempıony atanǵan. 2020/21 jylǵy maýsymda jeńimpaz tuǵyrynan kóringen olar bul jetistigin týra on jyldan keıin qaıtalap otyr.
Atalǵan klýb Chempıondar lıgasy toptyq kezeńinde eki márte baq synaǵan. 2002/03 jylǵy kezeńde F tobynda «Manchester ıÝnaıted» (Anglııa), «Baıer» (Germanııa) jáne «Olımpıakos» (Grekııa) klýbtarymen jasyl alańǵa shyqty. Barlyǵy jeti upaı jınap, úshinshi orynǵa turaqtady. Sol toptyq kezeńde óz alańynda «Manchester ıÝnaıted» komandasyn 3:0 esebimen tize búktirgenin ızraıldik jankúıerler áli kúnge deıin umyta qoıǵan joq.
2009/10 jylǵy kezeń olar úshin sátsiz boldy. A tobynda Frantsııanyń «Bordo», Germanııanyń «Bavarııa» jáne Italııanyń «ıÝventýs» klýbtarymen dop tepken olar barlyq oıynda qarsylastaryna ese jiberip qoıdy. Osylaısha eshqandaı upaı oljalaı almaǵan ızraıldik klýb óz tobynda tórtinshi oryndy mise tutty. Tipti, qarsylastar qaqpasyna gol soǵa alǵan joq.
Eki komanda buǵan deıin bir márte kezdesti. Byltyr UEFA Eýropa lıgasy ekinshi irikteý satysynda «Qaırat» «Makkabı» (Haıfa) klýbymen kezdesti. Koronavırýs jaǵdaıyna baılanysty jeńimpaz bir kezdesýden aıaqtalǵan bolatyn. Bul oıynda ızraıldik klýb 2:1 esebimen jeńiske jetti.
Eske salsaq, «Qaırat» budan buryn atalǵan dop dodasynda 2005/06 jylǵy kezeńde baq synady. Birinshi irikteý satysynda Slovakııanyń «Artmedıa» klýbyn aldymen 2:0 esebimen jeńse, odan keıin syrt alańda qarsylasyna 1:4 esebimen ese jiberip qoıdy. Osylaısha jarystyń kelesi satysyna «Artmedıa» joldama aldy.
«Qaırat» pen «Makkabı» (Haıfa) arasyndaǵy kezdesý elorda ýaqytymen 22.50-de bastalyp, «Qazsport» telearnasynan tikeleı efırde kórsetiledi.
