Chempıondar lıgasy: «Chelsıdiń» «Real Madrıdke» shamasy kele me
ASTANA. QazAqparat - Sáýirdiń 12-nen 13-ne qaraǵan túni fýtboldan UEFA Chempıondar lıgasy shırek fınalynda taǵy eki oıyn ótkiziledi, dep habarlaıdy QazAqparat tilshisi.
Eki oıynnyń birinde «Mılan» (Italııa) men «Napolı» (Italııa) kezdesedi.
Kezdesý elorda ýaqytymen 0.50-de bastalyp, «Qazaqstan» telearnasynan tikeleı efırde kórsetiledi.
Eki komanda buǵan deıin 152 márte kezdesti. Onyń 42-de «Napolı», 57-de «Mılan» jeńiske jetse, qalǵany teń aıaqtaldy.
Taǵy bir kezdesýde «Real Madrıd» (Ispanııa) pen «Chelsı» (Anglııa) komandalary sheberlik baıqasady.
Kezdesý elorda ýaqytymen 0.50-de bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 9 márte kezdesti. Onyń úsheýinde «Real Madrıd», tórteýinde «Chelsı» jeńiske jetse, qalǵany teń nátıjemen aıaqtaldy.
Fınal 10 maýsymda Túrkııanyń Ystanbul qalasyndaǵy Atatúrik atyndaǵy Olımpıadalyq stadıonda bolady.
Eske salsaq, budan buryn «Manchester Sıtı» «Bavarııany» iri eseppen jeńdi.
