Chempıondar lıgasy: «Chelsı» jarysty jalǵastyra ala ma

ASTANA. QazAqparat - UEFA Chempıondar lıgasy 1/8 fınalynda 7 naýryzdan 8-ne qaraǵan túni qarymta eki oıyn ótkiziledi, dep habarlaıdy QazAqparat tilshisi.

Eki oıynnyń birinde Portýgalııanyń «Benfıka» jáne Belgııanyń «Brıýgge» komandalary sheberlik baıqasady.

Kezdesý elorda ýaqytymen 1.50-de bastalyp, «Qazaqstan» telearnasynan tikeleı efırde kórsetiledi.

Eki komanda buǵan deıin bir márte kezdesti. Atalǵan kezdesýde portýgalııalyq fýtbolshylar 2:0 esebimen basym tústi.

Sondaı-aq, taǵy bir kezdesýde Anglııanyń «Chelsı» komandasy óz alańynda Germanııanyń «Borýssııa Dortmýnd» klýbyn qabyldaıdy.

Kezdesý elorda ýaqytymen 1.50-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin bir márte kezdesti. Bul oıynda germanııalyq klýbtyń mereıi ústem boldy.

Eske salsaq, budan buryn Qazaqstan quramasynyń Eýropa chempıonaty irikteý satysyndaǵy aldaǵy eki oıynyna keńeıtilgen tizimi jarııalandy.