Chempıondar lıgasy: Búgin «Astana» klýby «Benfıkany» qabyldaıdy
ASTANA. QazAqparat - Fýtboldan Chempıondar lıgasynyń toptyq kezeńi aıasynda búgin «Astana» óz alańynda Portýgalııanyń «Benfıka» komandasyn qabyldaıdy, dep habarlaıdy 24.kz.
Mańyzdy matchta Stanımır Stoılov shákirtteri jankúıerler aldynda aıanyp qalmasy anyq. Tipti qazaqstandyq komanda sapynda Patrık Tvýması da alańǵa shyǵýǵa daıyn. Al azýyn aıǵa bilegen lıssabondyqtar Portýgalııa kýbogynyń fınalynda «Sportıngke» jol bergen. Sondaı-aq, qonaqtar sapynda úzdik surmergen Nıkolas Gaıtan men komanda kapıtany Lýızaýdyń jasyl alańǵa shyqpaıtyny belgili boldy.
Esterińizge sala keteıik, «Astana» men «Benfıka» arasyndaǵy kezdesý búgin Astana ýaqytymen saǵat 21:00-de bastalady.
